友情歲月

2013年11月11日

星期六去左睇五個古感仔開SHOW 的友情歳月演唱會!

一向都是伊健迷的我再加上有咁多型男點會放過這演唱會呢!

今次真係多謝BOBO 幫我買到咁正的位!

$580 張票寫第三行,但前面加左幾行! 其實真係好前!! 最衰我懶冇帶相機只用手機拍效果好差呀!

其實唔止我地三個去睇我仲拉埋何生睇添!

 雖然話係開四面台,但我覺成晚對得最多就是我地坐的黃閘!

最興奮是可以同伊健握到手, 好似睇咁多次演唱會今次係第一次握到手! 哈哈!何生笑我係儍婆咁老仲好似D靚妹咁恨握手!

五佬中估不到唔係唱家班的錢嘉樂彈琴自唱同一秒咁好聽,簡直好聽過伊健!!

謝天華唱電視劇的主題曲我都唔識唱~ 講真佢唱歌唔係幾得,但勝在跳舞好睇呀!

阿LO 整晚表演都好正~ 尤其是無諗到佢唱歌咁得! 首"海濶天空"好難唱架!

成班古惑佬都成50歳,我覺仲正過17年前! 除左伊健拼埋他們好似冇咁FIT!

成晚最最最唔滿意係小春唱左好多首獨唱歌,真係最多係佢! 好似佢演唱會咁呀!

整睇來講今晚睇得好開心,是一個好出色的演唱會呀!