話咁快又到結婚週年紀今日, 今年巳是13年!
日子真是越難越難捱! 前五年是蜜月期! 之後的日子便是考驗大家亙相遷就的能力......
我現在採取的態度是隻眼開隻眼閉,做女人還是聰明D好,除非你好有本事!
因為何生工務繁忙唔想請假, 所以就他揀了深圳兩日遊!
我都很久沒去深圳~ 選了一間全深圳最高的酒店~ ST. REGIS HOTEL 慢慢享受!
何生經攜程網訂話最平的房間都要$2700 一晚(仲要唔包早餐)
中午1:00 在上水站會合何生, 到了羅湖站再撘地鐵到大劇院站 的KK MALL 樓上便是瑞吉酒店,好方便!
 |
| KK MALL 內的商店全是高檔貨,其中一間女裝店DAZZLE 睇中了一件TOP要人民幣$1120, 我好鍾意,但是上海制點都是覺唔值, 換了是MADE IN JAPAN 會即買! |
那是巳2:00 差不多所有食店都要落場, 好辛苦先搵到一間酒樓食LUNCH!
食飽上酒店房! 要上95樓取房先, 可加 900 人民幣 包: 下午茶,自助早,晚餐同FREE WIFI!
咁都抵,所以我地加啦!
我地房間是8110, 即是81樓, 今日超大霧!!! 所以樓景全部睇唔到!
房間不是很大, 去年澳門住的東方文華靚D同大D, 而且東方文華那浴缸是向湖景超正!
但這裏最大特色是有一部 I PAD 供客人用, (可帶出房用,所以要比1萬蚊人民幣按金先!)
而全房的燈光是用這I PAD 控制! 燈光好好玩有幾個場景選擇, 例如:按: SPA 制就會幫你熄你電視, 大燈, 另開 音樂!
比我發現電影版北京愛情故事這裏有得上, 超開心! 因為電視版的男女主角,陳思成同佟麗娅我好鍾意睇!
我地睇5:10 , 片長2小時! 共有五個單元, 片中笑中有淚! 完全是中國版的LOVE ACTURALLY
好感動!!
之後即刻去100樓食TEA~ 這裏是 天吧! 完來所謂的TEA 是任飲酒或果汁,仲有些點心,甜點任食! 環境好舒服!
兩日唯一的合照!!ＨＥＨＥ！
再要趕下場，即刻去９５樓食自助晚餐！大陸食自助晚餐，記憶中好似是第一次！
其實真是不比香港差！
有生蠔，長腳蟹，青口，蝦，三點蟹。。。。 但我都係怕唔乾食一隻都唔敢試！ 何生試了一隻生蠔話無味！
但反而壽司同魚生超得， 比香港酒店食的還好！
特別是火炙三文魚，我食左三舊咁多！
千島醬焗蠔又是另一推介！
但甜品點整都引唔到我興趣， 所以一舊都無掂過！這裏的自助餐要４佰幾蚊人仔一個，價錢同香港有得比！
房裏的夜景都靚呀！
順便叫了管家幫我拿了明天要著的衫去熨，是呀房費巳包三件洗熨服務！
今晚早ｄ訓～ （ｐｉｌｌｏｗ 同被都好舒服， 可惜我３點醒左要成５點先再訓得著！）
第二天９點半上樓食早餐～～～
嘩有我最愛的五穀食物～（要到大陸先有得吃！）
哈哈是蕃薯，栗子同 南瓜，馬蒂！！
仲有鮮榨西芹汁！同即制的ｐａｎｅｒｉ 三文魚，芝士包！！
ＹＥＡＨ 今日終於天晴， 有景睇！！
１０：３０ 準時拿了熨好的衣服給我！！
１２：００ 去回大堂ＣＨＥＣＫ ＯＵＴ～ ＢＹＥＢＹＥ 瑞吉啦！
我好滿意你，希望有機會再來住啦！
之後隨意游蕩，行了一個鐘好攰！
走了入一個叫１２３４的商場！
見有間 綠茶ＣＡＦＥ好多人，咁應該會好食嗎！
叫了五大碟和兩杯飲品，都只是１５０人仔，都ＯＫ喎！
再去行東門～
好耐沒來東門，賣的東西靚了好多，全部似ＴＳＴ賣的韓貨，價錢平過香港！
我睇中了一件毛毛樓，好靚！第一間標價６８８人仔，我心目中是５００港幣，所以沒買， 到第二間見到差唔多，但就標４７８，我還價４５０佢都唔肯，講唔到價為啖氣所以無買呀！其實真係好鍾意呀！！嗚！！
自己行了一個鐘，約了何生附近的Ｍ 記等，唉點知我又迷路去了第二間Ｍ記添～～
最後４點幾回港啦！！！
希望平平安安，快快樂樂又到我們的２月１８日呀！！！
