同孄女玩煮飯仔！

2013年9月29日 (星期日)

何生今日又要上大陸, 得自己一個人, 可以搵孄女來我家一齊玩煮飯仔!

順便試整啱啱學完的中式菜



 

兩母女一齊煮一齊食真係首次呀~~ 過程開心又溫馨!!

我家自細同何生家相反,他家就食飯多,我家就食餸多!

所以今餐兩個人食 四餸一湯都係孄女自細教壞我呀, 哈哈!!

孄女煮的欖菜炒四季豆,我地玩得太忘形搞到佢唔記得張四季豆出水, 哈!! 幸好佢廚藝高超最後都補救番!!!

其餘的是我煮~

燉了孄女愛飲的冬瓜盅!

交功課的五香牛腱, 我用了大孖辣豆瓣醬,同師父的版本不同,辣辣地更醒胃!

主角是這叉燒! 今日由12點用生粉醃了四個鐘, 其間出了去按摩,,番來4:00 急急開始淮備焗! 真係心機菜呀!

今次買的豬太瘦,我地兩母女都愛食肥叉! 幸好味道撘夠! 試煮叉燒成功呀!


食完孄女係我雪櫃發現了爛芒果, 自動切來一齊食! 這美好的時光我會好好記住呀!

9月中菜班

2013年9月23日 (星期一)

今年差不多每個月都去上一堂COOKING CLASS, 實在太愛煮食!

去得最多是RACKHEL KITHCEN, 貪佢不用即場實習,啱晒雞手鴨腳的我,睇實老師的每個STEPS 回家慢慢煮回出來!


今個月揀了這班學~


 

20130923E : 家庭式燒腊班(01)。桂花汁鐵板叉燒

桂花汁鐵板叉燒

花彫醉乳鴿

五香牛腱

導師 : 陳永瀚

課程日期 : 9月23日 ( 星期一 )   時間由 : 18:45 至 22:45

每位學費 : HK$600 (包括示範及晚餐)

出席名額 : 1 位

這課程最吸引我的就是陳師父教的桂花叉燒, 上一堂的同學仔叫我要必學此菜!

之前我都跟過網上食譜整過叉燒, 是用叉燒醬整味道好假, 唔似街買的好食!


陳師父所用的方法是高低溫交替慢焗個半鐘\! 足足比平時用多兩倍時間!

食後所有同學比括我,都覺$600 淨學這道菜都值回票價,味道實在好出色, 甜甜地還帶桂花的清香味呀!

這醉鴿整唔難,最難是學師父切鴿的刀工!

自間冇本事切得咁靚呀!!

 



之前在朋友家食過的牛腱以為好難整~ 原來又係好簡單,只是所需材料多些,整完出來還剩好多五香汁,下次可配整五香雞翼, 還可做鳥冬湯底呀!!!　



9月份購物記

2013年9月30日

不如每個月在這裏幫自己記底買了什麼東東~ 以示警愓!!

計數量最多一定是團購~ 共買了 BANILA 打底霜&CLEAN IT ZERO, 仲有后的天氣丹SET,密室逃脫,MISSHA MASK等! 其餘還有LC開倉, 衫最近愛買韓服,一來平2來日本服開始覺太細路唔啱我這中女著!!

不過韓服都要慢慢揀,發現嘉蘭圍有好多款價錢都好合理, 另同一件衫旺角潮流特區(何生笑我咁老仲行這商場唔怕醜喎,啍!)就比CWB平成$200

月頭去荃灣修甲順便望吓FL, 睇中一條紫色OP, 以前一定在港買平過在日本買! 點知今次佢對成十比我, 你估我儍呀梗係唔買啦!

之後見到FB有人POST 左 今次FAIR 的GIFT 出來, 其實唔算靚但又係心癮,計埋運費都平過係荃灣買幾百銀仲要有贈品喎!!

所以做個精明C9一定要格過價先好購物呀!!

今年的中秋節

2013年9月23曰

今年中秋節假期適逢星期五，連續放三曰爽呀！

正曰早餐梗是食個奶黄月加楊桃應節！

望月的月餅果然冇令我失望，下年可以再encore! 

晚上做完節带住何生整的心心兔去西貢賞月！

人月两團圓呀！

2013年LC 開倉日~

2013年9月21日 (星期六)

如果唔係心癮係真係唔會去今年的LC開倉活動! 自從今年LC 被FB 谷極力吹捧後真係多左好多人買LC!!

HAHA 大話同YY 都比我毒親加入LC行列! 今次開倉第一次不用孤軍作戰!

諗住第一日去應該多D款嗎!

約左8點係富豪等! 大話好早就到啦!

唉都話 多人到痴線, 三月開倉時排四個小時! 今次重離譜排足5個小時真係人都癫!!

整個場地上都坐滿炒家堆滿一大堆貨坐在地下慢慢揀,我這些好多都是他們揀出來唔要我執死雞咋, 他們粗流利廣東話,以前的日本太太們今次反而唔見喎!

講真煲我真係買夠,這幾次開倉都係想買些粉色STONEWARE! 其實次次去排幾個鐘最後收獲都係得少少,根本就係搵自己笨!! 下次再開倉真係要諗過先去呀!

新的開始

2013年9月4日

同寫了六年的YAHOO BLOG講拜拜~ 在這裏重新開始!!