Homemade breadfast

2013年10月2日 (星期三)

真是百物騰貴,出去閒閒地食過公仔麵早餐都要三十元, 仲要唔好食又冇益!

又怕悶試過周圍搵吓有咩特別早餐, 點知最後唔係茶餐廰就是飲茶,咁不如自家煮好過!

橫掂我朝朝六點半起身,夠時間預備早餐!

通常的早餐都是茄汁豆, 一片麵包,塗笑牛芝士或JAM! 再加生果, 一杯鮮榨果汁,一碗奶加麥片或乳酪! 有時口痕再加杯咖啡! 巳經大滿足好過出街食好多啦!!!

前幾天同何生一早去了九龍城街市樓上熟食檔食早餐, 把鬼竟然全日無套餐,即是奶茶同三文治要分開計錢,嘩埋單仲貴過翠華,但味道難食十倍呀!!!

食完走左去對面台灣食物店買了一瓶恨買了好耐的新竹褔源花生醬, 這醬好評如潮, 但奈何要成$80一瓶,

回家試後好失望, 不但稀如水, 味道點都唔值$80 下次都是買回紳士牌好過, 仲要粗粒那款呀!